Il-Kumitat Amministrattiv jinħatar kull sentejn permezz ta` Aplikazzjonijiet li jinġabru apposta kif stipulat fl-istatut tal-għaqda huma eleġibbli li japplikaw u jivvutaw dawk li huma imsieħba fl-għaqda u l-Bandisti Lokali il-fuq minn 18-il sena. L-istess Kumitat iżomm laqgħat regolari sabiex imexxi l-għaqda u l-premises bl-aktar mod trasparenti u fl-aħjar interess ta' l-istess għaqda.
Il-bandiera uffiċjali ta' l-għaqda hija ħamra bis-skudett fin-nofs li fih hemm l-arma magħmula minn tmien strixxi orizzontali, erba bojod u erba suwed, f'sekwenza alternata. Fin-nofs ta' l-arma bejn it-tielet strixxa minn fuq u nofs it-tielet strixxa minn isfel, ikun hemm salib kulur id-deheb li girlanda rampikanti mieghu, fil-kantuniera ta' fuq ikun hemm stilla b'sitt ponot, kull ponta magħmula minn żewġ trijangli wieħed abjad u l-ieħor blu, f'sekwenza alternata. F'kull kantuniera tal-bandiera hemm arma li tipreżenta lill-Malta, lill-San Ġorġ Martri, lill-Gran Mastru Pinto u lill-parroċċa. L-innu uffiċjali ta' l-għaqda hu l-innu tal-banda, versi ta' Dr.Carmelo Bianchi u mużika minn Mro.Frank Galea. Il-kantata bl-isem ta' l-'Apoteosi ta' San Ġorġ Martri', mużika ta' Mro.Frank Galea, versi ta' Dr. Karmenu Mallia. Dan l-Innu jista' jindaqq biss mill-Banda Anici, bħal m'huwa wkoll iIl-marc Demm Ġorġjan jew kif inhu magħruf bħala Letter A li huwa mużika ta' Mro.Sunny Galea versi ta' Dr.Carmelo Bianchi, u dan jidhol f'kull librett ta' Marci brijużi ta' din il-Banda. L-isem tal-banda "Anici" hu il-kunjom tal-familja nobbli ta' San Ġorġ Martri u għalekk wieħed jista' jinduna ir-rabta li hemm bejn l-għaqda u l-Patrun tagħha u tal-belt Pinto, San Ġorġ Martri. Għalhekk il-banda tissejjaħ il-banda tal-Patrun. Il-banda wkoll hija magħrufa tal-"Istilla" għaliex propju bħal ma diġa qrajtu fl'arma hemm l-istilla.
Statwa titulari ta' San Gorg Martri
L-Arma ufficjali
Pubblikazzjonijiet
Kotba Anwali
L-Għaqda Soċjo-Mużikali Anici ta' Ħal Qormi A.D. 1988
